Green Coast Villas – Hidroizolim verandash dhe çatie të gjelbër

Izolim tarace me PVC

Verandat u hidroizoluan me sistem të dyfishtë Mapethene + Mapelastic dhe çatia e gjelbër me PVC Mapeplan B në Green Coast Villas, me materiale të furnizuara dhe punime të mbikëqyrura nga SARP.

Sistemi: Sistem i dyfishtë Mapethene + Mapelastic në veranda; PVC Mapeplan B në çatinë e gjelbër
Punimi: Hidroizolim tarracash dhe çatie të gjelbër
Klienti: Kron Construction
Roli ynë: Furnizim materialesh dhe mbikëqyrje në objekt

Planifikoni një projekt të ngjashëm? Flisni me Drejtuesin e Projekteve.

+355 67 202 2609 WhatsApp

Rreth projektit

Në Green Coast Villas verandat dhe çatia e gjelbër u hidroizoluan me dy sisteme të ndryshme, secili i zgjedhur për ngarkesën që duhet të përballojë. SARP furnizoi materialet dhe mbikëqyri aplikimin bashkë me Kron Construction.

Verandat ndodhen mbi ambiente banimi, prandaj u realizuan me sistem të dyfishtë: një membranë vetëngjitëse e ngjitur në soletë nën massetto, dhe një membranë çimentoje elastike mbi massetto, direkt nën pllakat. Nëse uji kalon njërën shtresë, e dyta e ndalon. Çatia e gjelbër mban dhè, bimë dhe lagështi të vazhdueshme, prandaj u mbulua me membranë PVC rezistente ndaj rrënjëve, me detaje të salduara në çdo buzë dhe gojë shkarkimi.

Sistemi i aplikuar

Verandat: sistem i dyfishtë. Poshtë, soleta u trajtua me Mapethene Primer dhe u mbulua me membranën vetëngjitëse Mapethene HT AP. Sipër, massetoja u trajtua me Primer 3296 dhe u hidroizolua me membranën e çimentos elastike Mapelastic, të përforcuar me rrjetën me fibra xhami Mapenet 150, gati për shtrimin e pllakave.

Çatia e gjelbër. Çatia u hidroizolua me Mapeplan B, membranë PVC rezistente ndaj rrënjëve. Ngritjet dhe buzët u formuan me Mapeplan Lamiera (fletë metalike e veshur me membranë), dhe uji largohet përmes parapetit me gojë shkarkimi drejtkëndëshe Mapeplan Bocchetta. Polydren PL dhe Polyfond Kit mbrojnë membranën dhe kullojnë ujin nën shtresën e bimëve.