SARP furnizon sistemet hidroizoluese MAPEI dhe Polyglass për tarraca, themele, mure nëntokësore, banjo, pishina dhe depo uji — dhe qëndron pranë projektuesit dhe sipërmarrësit nga zgjedhja e sistemit deri te mbikëqyrja e punimeve në kantier.
Si distributori i autorizuar i MAPEI në Shqipëri, kemi furnizuar dhe mbikëqyrur 28 punime hidroizolimi, nga Durrës Yachts Marina te Crowne Plaza dhe Rafaelo Resort. Më poshtë gjeni, për çdo pjesë të ndërtesës, cilat sisteme përdoren, ku i gjeni produktet dhe ku i kemi zbatuar.
Hidroizolim tarace dhe çatie
Tarraca është sipërfaqja më e ekspozuar e ndërtesës: diell, ngrica, ujë që qëndron dhe lëvizje termike. Sistemi zgjidhet sipas bazamentit, ekspozimit dhe mënyrës si do të përdoret sipërfaqja — membranë sintetike për çati të mëdha të ekspozuara, membranë likuide ose llaç elastik kur sipër vendosen pllaka.
Sistemet që përdorim
- Membrana sintetike PVC-P dhe TPO — Mapeplan (Polyglass), me fiksim mekanik ose saldim me ajër të nxehtë
- Membrana likuide dhe llaçe elastike — Aquaflex Roof, Purtop Easy, Mapelastic, Mapegum WPS
- Aksesorë dhe detaje — gojë shkarkimi, aeratorë, fletë metalike Mapeplan
Projekte të realizuara
Hidroizolim themelesh dhe muresh nëntokësorë
Nën tokë uji vepron me presion dhe riparimi pas mbushjes është shumë i kushtueshëm. Për këtë arsye themelet dhe muret nëntokësorë izolohen me membrana që ngjiten plotësisht me betonin, në mënyrë që uji të mos lëvizë pas membranës — dhe me detaje të veçanta për nyjet e betonimit dhe kalimet e tubave.
Sistemet që përdorim
- Membrana HDPE të para-aplikuara — Mapeproof AL AP+, Mapeproof FBT, Mapeproof FBH (para betonimit)
- Membrana vetëngjitëse — Mapeproof SA, Mapeproof FBA 1200, Mapethene HT AP (pas betonimit)
- Bentonit dhe nyje — Mapeproof P5, Idrostop Soft, Mapeproof Swell, Mapeplan Waterstop
- Membrana PVC për struktura nëntokësore — Mapeplan UG
Projekte të realizuara
Hidroizolim banjo dhe ambientesh të lagështa
Në banjo, dushe dhe kuzhina industriale hidroizolimi vendoset nën pllaka. Përdoren membrana çimentoje elastike ose membrana likuide, të përforcuara me shirita në këndet mur–dysheme dhe rreth tubave e sifoneve — pikat ku rrjedhjet ndodhin më shpesh.
Sistemet që përdorim
- Membrana çimentoje elastike — Mapelastic, Mapelastic Smart, Mapelastic Turbo
- Membrana likuide dhe shirita — Mapegum WPS, Mapeband
- Kollë për pllakat sipër hidroizolimit — Keraflex Maxi S1 Zero, Ultralite S1 Flex
Projekte të realizuara
Hidroizolim pishine
Pishina mban ujë me presion nga brenda dhe shpesh ka ujë nëntokësor nga jashtë. Sipërfaqja niveluese, membrana elastike e përforcuar me rrjetë, kolla, fuga dhe silikoni duhet të punojnë si një sistem i vetëm.
Sistemet që përdorim
- Rrafshim i sipërfaqes — Planitop Fast 330
- Membranë elastike e përforcuar — Mapelastic Smart me rrjetë Mapetex Sel
- Kollë, fuga dhe silikon — Keraflex Maxi S1, Ultracolor Plus, Mapesil AC
Projekte të realizuara
Hidroizolim depo uji dhe rezervuarësh
Depot dhe rezervuarët e ujit kërkojnë hidroizolim që mban presionin e vazhdueshëm të ujit dhe që përshtatet me përdorimin e depos. Përdoren membrana sintetike për punime hidraulike ose membrana çimentoje elastike.
Sistemet që përdorim
- Membrana PVC për punime hidraulike — Mapeplan WT
- Membrana çimentoje elastike — gama Mapelastic
Projekte të realizuara
Si punojmë
Zgjedhja e sistemit
Shohim bazamentin, ekspozimin dhe përdorimin e sipërfaqes dhe propozojmë sistemin MAPEI ose Polyglass që i përshtatet, me të gjitha detajet.
Furnizimi
Furnizojmë materialet origjinale dhe të gjitha aksesorët e sistemit — membrana, prajmerë, shirita, gojë shkarkimi.
Mbikëqyrja në kantier
Ndjekim aplikimin në kantier bashkë me sipërmarrësin. Laboratori ynë i akredituar teston betonin, përfshirë depërtimin e ujit.
Pyetje të shpeshta
Cili sistem hidroizolimi është më i miri për tarracë?
Nuk ka një sistem të vetëm më të mirë. Për çati dhe tarraca të mëdha të ekspozuara përdoren zakonisht membrana sintetike PVC ose TPO; kur sipër vendosen pllaka, përdoren membrana likuide ose llaçe çimentoje elastike. Zgjedhja varet nga bazamenti, ekspozimi dhe përdorimi — shihni udhëzuesin tonë për izolimin e tarracës.
Si hidroizolohen themelet e një ndërtese të re?
Në ndërtesat e reja përdoren membrana HDPE që vendosen para betonimit dhe ngjiten plotësisht me betonin, ose membrana vetëngjitëse që vendosen pas betonimit. Nyjet e betonimit trajtohen me shirita hidroekspansivë ose waterstop.
Si hidroizolohet një pishinë?
Sipërfaqja rrafshohet, pastaj aplikohet një membranë çimentoje elastike e përforcuar me rrjetë, si Mapelastic Smart me Mapetex Sel, dhe sipër saj vendosen pllakat me kollë, fuga dhe silikon të përshtatshëm për zhytje në ujë.
Çfarë ofron SARP në një projekt hidroizolimi?
Zgjedhjen e sistemit, furnizimin me materiale origjinale MAPEI dhe Polyglass dhe mbikëqyrjen e punimeve në kantier. Laboratori ynë i akredituar ISO/IEC 17025 teston betonin.
Ku mund t’i blej produktet hidroizoluese MAPEI në Shqipëri?
SARP është distributori i autorizuar i MAPEI në Shqipëri. Na telefononi ose na shkruani në WhatsApp për ofertë dhe disponueshmëri.
Keni një projekt hidroizolimi? Flisni me Përgjegjësin e Projekteve — +355 67 202 2609